尼馬被控強姦 隨時走佬變逃犯

20190602
東網電視
更多新聞短片
(Getty Images/互聯網)
《彩報》豪裝,入市即贏!撳撳呢條Link,寶藏等你拎:http://win.on.cc/football/ 
巴西球星尼馬又出事,被1名女子控告強姦,根據曝光嘅起訴文件,發生呢位巴黎聖日耳門射手借醉行兇,期間更加使用暴力,將呢位喺社交網認識嘅巴西女網友「X」強姦。
根據ESPN、巴西《環球體育》及UOL等多間外國媒體報道,受害者已經喺巴西聖保羅法院,向尼馬提出控告。
傳媒披露咗案情細節,今年5月12日尼馬透過社交網Instagram邀約1名女子,到法國旅行,並叫私人助理為「X」安排酒店住宿,「X」喺5月15日抵達巴黎一間酒店。
當晚8點,尼馬到酒店房同「X」見面,文件內容指呢位27歲天價球星當時已經飲到爛醉,兩人傾幾句後,就開始擁抱愛撫,尼馬忽然「獸性大發」,使用暴力將「X」強姦。
受害人5月17日離開巴黎,據悉佢被性侵後,情緒非常不穩,亦害怕喺外國報案,所以等到飛返巴西聖保羅之後,先至報警,並向尼馬採取法律行動。
雖然呢單案喺法國發生,但根據巴西刑法第7條,巴西人喺國外犯罪,都需要回國受審,令人擔心尼馬為逃避法律責任,可能以後唔返巴西,唔止無法代表國家隊,甚至從此成為「逃犯」。
尼馬現時正同巴西國家隊備戰美洲國家盃,佢嘅私人管理團隊稱,並冇收到巴西法院嘅起訴書。
延伸閱讀,【有片】尼馬大反擊:個女人勾引勒索我https://bit.ly/2IaqBGK