即睇卡尼數據有幾衰　普捷天奴繼續撐

《彩報》豪裝，入市即贏！撳撳呢條Link，寶藏等你拎：http://win.on.cc/football/　

熱刺喺歐聯決賽畀利物浦技術擊倒，其中一樣被指係輸波關鍵，就係熱刺主帥普捷天奴擺咗冇態嘅前鋒哈利卡尼做正選，賽後梗係畀人鬧爆啦！正所謂數據唔呃你，哈利卡尼今場踢足90分鐘只係得26次掂波，係全場22個正選最少一個。雖然卡尼冇貨交，不過普帥就堅持自己冇做錯決定，佢話自己都係睇數據資料分析，先至決定同卡尼而唔用盧卡斯莫拉喎！

哈利卡尼休戰兩個月復出，今場即刻擔正踢足90分鐘，狀態係咪唔夠？睇睇佢數據就知。全場上陣90分鐘，但只得26次觸球，合共只作出11次傳送，射門就只得1腳。唔使講都知，卡尼今場真係唔多掂囉！

不過，普捷天奴就有唔同睇法，佢仲話出卡尼係有原因：「個問題根本唔係你出卡尼定莫拉，只係你能唔能夠創造歷史。佢有冇波入根本唔值得討論太多，我可以發誓，我出佢係經收集所有數據後分析，而得出嘅結論，我唔會後悔。」