雷恩斯囝囝加盟皇馬　天才傳承！

港網 No.1 24小時足球賠率：https://bit.ly/2UmNL0L　

西班牙球星雷恩斯因交通意外不幸去世，全球球迷都懷念佢喺球場上面風馳電掣嘅英姿，而據西班牙媒體報道，雷恩斯嘅11歲囝囝盧比斯，新球季將會加盟皇家馬德里青年軍，實行子承父業。

盧比斯係雷恩斯同前妻所生，目前效力雷加利斯青年軍，今季佢帶領球隊贏得全國賽冠軍，而且仲拎埋金靴獎，明顯得到曾效力西維爾、阿仙奴同皇家馬德里嘅爸爸遺傳，自然得到皇家馬德里垂青。

對於爸爸離世，盧比斯日前亦發表一篇感人宣言，並且貼出兩人合照話：「呢一日係我哋最後一次相聚，嗰日你如常畀我寶貴嘅意見，好難過你已經唔會再返嚟。我永遠都會以你為榮，雖然我哋唔係經常一齊，但只有我哋會明白大家有幾愛對方，我知道你會喺天堂繼續眷顧我，我愛您爸爸！」