【東體爭議】奧巴美揚過中超！阿仙奴博一鋪

港網 No.1 24小時足球賠率：https://bit.ly/2UmNL0L　

英國《泰晤士報》報道，阿仙奴前鋒奧巴美揚好可能會轉去中超搵食！報道指兩間中超球會已向呢位加蓬前鋒開出30萬鎊周薪合約，相信係上海上港同埋廣州恒大，而「兵工廠」亦有意接納收購，雖然報道冇講明轉會費幾多錢，不過估計數字會同阿仙奴上年收購價5,600萬鎊相約。其實奧巴美揚上年由多蒙特過檔阿仙奴前，中超球會已經兩度向佢提出邀請，而30萬鎊周薪待遇亦遠勝佢目前喺阿仙奴嘅19萬鎊周薪。

阿仙奴正面臨全面重建，呢個時候放走埋今季英超金靴獎得主，睇落係致命打擊，不過對於只得4,500萬鎊軍費嘅「兵工廠」嚟講，呢一步似乎係正確而且必要嘅一步。依家阿仙奴千瘡百孔，無論中堅、左閘、中場、左右翼鋒都急需買人，領隊艾美利下季亦勢必改踢最擅長嘅4231陣式，喺其他位置連最基本配置都未有之下，箭頭位置反而揸住奧巴美揚同拿卡錫迪2位頂級球員，明顯係「資源錯配」，如果賣奧巴美揚可以「1個救全家」，似乎係明智之舉。