律師解約爆女方大鑊 尼馬強姦案係老屈?

20190604
東網電視
更多新聞短片
(Getty Images)
港網 No.1 24小時足球賠率:https://bit.ly/2UmNL0L 
尼馬強姦案另有內情!?日前聲稱喺法國巴黎一間酒店畀巴西球星尼馬強姦嘅女子,佢位代表律師荷西艾加特今日向巴西《環球電視》透露,因為女事主聲稱嘅案情同佢畀警方嘅口供有矛盾,呢位律師已經喺5月31日正式同女事主解除聘約,唔會再代表佢出庭。
根據呢位來自阿比奧律師行嘅荷西艾加特所講,女事主原本同佢哋講係自願同尼馬發生關係,只係後來尼馬使用暴力先令佢受傷,所以先提出控訴希望獲得賠償。不過,女事主之後同警方落嘅口供,則係形容事件係強姦,根本係完全另一個指控,亦因此,荷西艾加特先至決定解除聘約。講到底,依家案情原來係另一版本,尼馬話唔定隨時可以甩身喇!