【有片】沙拿大手印避女記者錫錫

《彩報》豪裝，入市即贏！撳撳呢條Link，寶藏等你拎：http://win.on.cc/football/　

利物浦捧咗歐聯咁多日，網上繼續loop緊當晚情況，始終係開心事，所有細微嘢大家都唔放過，例如呢日有人摷番穆罕默德沙拿賽後接受訪問片段，網友圍觀發現，訪問沙拿嘅女記者愈哄愈埋，幾乎想錫落沙拿度，而沙拿就使出大手印避開，呢個動作引起網友討論。

沙拿為人正經，專心踢波冇緋聞，當晚有半裸美女衝入場，有球迷話見到沙拿當時眼觀鼻鼻觀心，目不斜視，而今次賽後訪問其實都好正經，佢作為在決賽幫利物浦射入12碼首開紀錄嘅功臣，大方回應女記者提問：「上屆決賽我踢咗30分鐘就傷出，最終輸波，今屆令我更有動力去爭取勝利。」