搞掂「勞資糾紛」？C朗涉姦案女方撤控

有報道指纏擾C朗多時嘅涉嫌強姦案，終於告一段落。據彭博社報道，提告人Kathryn Mayorga於上月已經向有關方面撒銷控告C朗，換句話講該名葡萄牙巨星，已經唔使再受官司威脅。

C朗喺2009於美國拉斯維加斯，同女子Kathryn Mayorga發生性關係，之後Kathryn指C朗強姦佢，雙方傾掂數達成和解協議，C朗需畀37萬美金Kathryn作為掩口費。不過Kathryn去年再度提告C朗，美國警方亦為此開File再次調查，C朗一直宣稱自己無辜，雙方係你情我願發生性關係。

彭博社近日報道，指Kathryn已向美國法院提出撤銷對C朗嘅強姦指控，即係C朗已就相關控罪甩身。彭博社表示，喺撤控文件入面冇注明Kathryn係咪同C朗達成庭外和解協議。