IG露玄機　奧巴美揚告別阿仙奴？

《彩報》豪裝，入市即贏！撳撳呢條Link，寶藏等你拎：http://win.on.cc/football/

今季四大皆空嘅英超老牌勁旅阿仙奴，戰績下滑之餘，今日又疑似出現壞消息，早排傳出畀中超球會包括恒大同上海上港睇中嘅首席射手奧巴美揚，突然喺個人社交網上抽起自己將資料大相，就連效力緊阿仙奴嘅資訊都唔見埋。唔少阿仙奴球迷網友都話呢個係呢位加蓬射手離隊嘅暗示，究竟係真係假，睇怕好快就知。

對於奧巴美揚離隊，查實「廠迷」似乎又唔太介意，事關有網友回應，話呢位29歲前鋒經常都浪費機會，冇咗佢唔係末日，何況仲可以賣得好價再買人，係除笨有精咁話。又有網友認為阿仙奴未來都唔似有機會爭標，根本冇本錢留住奧巴美揚囉！