【多圖】老麥艾格真高拿 集體回憶玩到癲
20190608
東網電視
更多新聞短片
真係睇住佢哋大，見到真人回憶梗係返晒嚟！利物浦傳奇同多蒙特傳奇，周六下晝喺香港大球場同本地球迷開Party，於香港有大量Fans嘅紅軍，陣中星光熠熠，麥馬拿文、科拿、路爾斯加西亞、史米沙、貝加、古積特、丹尼爾艾格、軒索斯、麥卡迪亞等等都有落場，利迷當然High到震，多蒙特方面都有真高拿、列度等壓陣，雙方擁躉今個下晝梗Happy啦。
雖然天氣勁熱，但現場球迷都好享受呢場比賽，個個着晒波衫、好多帶晒橫額同偶像打氣，又唱歌又盛咁，香港利迷果然係夠忠心。球迷熱情，一班傳奇球員雖然踢到身水身汗依然好落力比賽，仲鬼死咁投入添，佢哋賽後仲問咗現場記者，攞咗個吹氣歐聯盃影相，一班大細路就好似啱啱贏咗歐聯一樣舉盃慶祝，現場利迷當然高興啦，愛隊剛啱威爆做歐洲王者，之後又現場見到一班昔日球員，呢個夏天肯定難忘！
立即參加「賞您睇」：http://bit.ly/2JWKULh
Click下面粒掣，儲on.cc coins！機票、家電、超市禮券、過萬份獎品等緊你。