雷恩斯車禍倖存者：我哋好似飛起咗

港網 No.1 24小時足球賠率：https://bit.ly/2UmNL0L　

今個月初因車禍離世嘅西班牙球星雷恩斯，當日車禍唯一生還者、雷恩斯堂兄卡達朗，近日接受《世界報》採訪講番出事情況，卡達朗話架車好似飛起一樣，場面超恐怖。

卡達朗回憶番當時情況：「我當時睇緊街，我哋車速好快，我唔知道雷恩斯嗰陣做緊乜，我記唔到喇！我哋當時架車彈起咗，好似飛起嚟一樣。」警方證實，雷恩斯當時車速超過220公里，佢哋前前後後揸咗1小時56分鐘車，單係雷耶斯就揸咗1小時15分鐘，結果出事。

話說當時因為嚴重超速，雷恩斯揸車撞到路邊水泥之後，架車足足「碌」咗90幾米，最後「碌」出公路，再撞上防護欄先停低，雷恩斯亦因此冇命。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。