涉姦案女事主大控訴：警察畀尼馬收買！

巴西球星尼馬被指控強姦一案，女事主Najila由原告人變埋做被告人！報稱上月喺巴黎一間酒店被尼馬強姦嘅Najila，早前表示佢有一段6分鐘嘅影片，係足以「煮死」尼馬嘅重要證據，可惜載有影片嘅iPad不翼而飛，警方去佢屋企調查後未有發現爆竊跡象，屋內亦只係搵到Najila以及佢信任嘅人嘅指模。Najila事後接受巴西節目《Conexao Reporter》訪問期間控訴：「警察已經畀佢(尼馬)收買咗！」

對於Najila嘅指控，巴西警方就強烈否認，表明對所有案件都係一視同仁、公平處理，而且決定反控告Najila「誹謗」。事實上Najila依家都好頭痕，事關佢個代表律師安達迪，不滿Najila懷疑佢偷走影片，日前宣布「劈炮」，佢亦係Najila提出起訴後第2個「劈炮」律師。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。