列貝利想踢大會　但只有錫菲聯想簽佢

「美洲國家盃」全天候至強盤路資訊，一網睇晒：

https://bit.ly/2wOTjaV　

拜仁法國中場列貝利今季離隊，結束12年拜仁生涯，但佢仲未想退休，希望搵另一間大球會落班，再戰江湖，不過依家只有來季升上英超嘅錫菲聯對佢有興趣，刀疤佬會點選擇？

列貝利已經36歲，離開拜仁都好正常，但佢想去大球會似乎就難啲喇，德國《踢球者》報道，剛在英冠獲得第2名、來季重返英超嘅錫菲聯，現正組軍，列貝利呢類有豐富大賽經驗嘅球員，最適合佢哋，並指如果列貝利答允加盟，將會為錫菲聯及英超帶來驚喜。

其實除咗錫菲聯，列貝利下一站仲可以去澳職，西悉尼流浪者主帥馬古斯巴布同列貝利係舊相識，佢隨時可以去當地落班，但就同列貝利「想踢大球會」嘅意願，愈走愈遠。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。