林柏特教車仔　搵杜奧巴做副手

20190617
  • 東網電視
    更多新聞短片
    (Getty Images)
    港網 No.1 24小時足球賠率：https://bit.ly/2UmNL0L　
    英格蘭名宿林柏特好大機會回巢，成為車路士新主帥，英國《太陽報》更指「林伯」準備搵埋昔日車仔隊友杜奧巴，擔任助教，重建「藍戰士王朝」。
    車仔日前宣布同領隊沙利解約後，佢嘅副手蘇拿亦好大機會走人，所以林柏特需要自己搵助教，佢決定向杜奧巴招手。
    雖然「魔獸」冇教波經驗，但勝在兩人夠老友，以往合作無間，為車路士奪得多項錦標。而且杜奧巴喺車路士有重要地位，感染力又強，相信可以幫到「林伯」管理班球星，同埋林柏特都想杜奧巴教班前鋒射門。
    事實上，由於沙利管唔掂車仔球員，成為下台主因，最佳例子係英聯盃決賽，互射12碼階段，佢要換走門將阿列沙巴拿加，對方竟然拒絕離場。
    如果由林柏特同杜奧巴拍住上，以佢哋嘅地位，肯定冇車仔球員敢反抗。
    立即參加「賞您睇」：http://bit.ly/2JWKULh　
    Click下面粒掣，儲on.cc coins！機票、家電、超市禮券、過萬份獎品等緊你。