1.5億鎊身價！沙拿考慮離開利物浦

港網 No.1 24小時足球賠率：https://bit.ly/2UmNL0L　

利物浦王牌穆罕默德沙拿，上季帶領紅軍勇奪歐聯冠軍，亦於英超取得97分，係球隊來季再次挑戰曼城聯賽霸權嘅重要武器。但據《鏡報》報道，皇馬同祖雲達斯都有意斥巨資1.5億鎊力斟沙拿，令呢名埃及前鋒心郁郁考慮前途。

沙拿17年重返英超加盟利物浦，迅即躍升為全球其中一名最佳射手，連續2季成為英超神射手，曾當選英格蘭雙料足球先生，上屆歐聯決賽亦射入先開紀錄嘅入球，成為利物浦最重要主力。

好波當然有富豪球會感興趣，皇馬及祖雲達斯都希望羅致沙拿，但據知沙拿無意於今夏離隊。《鏡報》表示，沙拿對上艦及回歸意甲都不抗拒，但利物浦剛奪歐聯錦標，加上球隊又有問鼎英超冠軍嘅能力，所以認為現時唔係離開嘅時候。不過到20年夏天，佢就會認真考慮，會否去新環境發展事業。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。