亞協盃　趙少維：入1球唔代表啲咩啫！

亞協盃I組賽事周三（19日）再度上演「香港打吡」，和富大埔在長時間落後下，憑著趙少維於94分鐘的入球，成功逼和傑志。今場比賽的關鍵先生「牛仔」趙少維賽後表示：「開心啦！始終今季唔係踢得多，今場都只係第3場上陣。始終自己半踢波半讀書，加上球隊前線競爭大，難啲去爭取機會，但係『堅Sir』都一直叫我準備，一有機會自己把握到，都算係有個交代。」

現時就讀香港教育大學三年級的趙少維坦言自己因今季需要在實習和訓練兩邊走而感到吃力，在實習完結後便隨即加操，以提升狀態。他又指由於自己仍在讀書，或許未能有穩定的出場機會，需要保持良好心態並在練習中更努力。球隊下周便要前往台灣，出戰最後一場的亞協盃分組賽，「牛仔」謙稱：「希望爭取到落場機會，因為我唔覺得入咗呢1球下場就會有正選，自己都要喺練波做好準備，有機會落場就落力啲踢！」