日本有驚喜！三好康兒威過蘇亞雷斯！

「美洲國家盃」全天候至強盤路資訊，一網睇晒：https://bit.ly/2wOTjaV　

周五(21號)美洲國家盃C組第2輪賽事，以新人掛帥嘅日本被睇低一線下大踢爭氣波，兩度領先之下僅被烏拉圭逼和2比2，出線仍未絕望。日本今場最搶鏡球員非梅開二度嘅三好康兒莫屬，呢位22歲新星上半場單騎殺入禁區怒射破網，腳法、射術同膽識兼備，下半場佢又走到靚位門前執雞，表現比起烏拉圭巨星蘇亞雷斯更搶鏡，「哨牙蘇」今場雖然有多次埋門，但除咗射入12碼之外，其餘時間腳風極差，表現令球迷失望。效力橫濱水手嘅三好康兒，喺日職入球數字唔高，不過今屆美洲盃首次入選國家隊，上場處子上陣後備入替，今場首度擔正即開齋兼入2球，相信對佢嘅信心會大有幫助。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。