爆笑！蘇亞雷斯投訴龍門用手救波

「美洲國家盃」全天候至強盤路資訊，一網睇晒：https://bit.ly/2wOTjaV　

美洲國家盃智利對烏拉圭話題多多，烏拉圭前鋒蘇亞雷斯今場雖然冇波入，不過佢亦成為賽事其中一個話題。上半場仲係0比0嗰陣，蘇亞雷斯曾經有黃金機會，佢扭過智利門將艾利亞斯後，想射波之際被艾利亞斯回身用手撲出底線，點知蘇亞雷斯「本能反應」下竟然舉手向球證投訴對方手球，1秒之後先意識到自己「蠢咗」，改為抱頭嘆息。

另外一次仲癲，有名球迷戴住雞面具衝入球場令球賽暫停，智利球員查拉睇唔過眼，見到佢走埋自己身邊，就出腳將仍絆低。蘇亞雷斯一見到，就好似發咗狂咁做出「畀黃牌」動作，即刻衝埋去球證度「理論」，真係唔知佢當時講咩，係咪話：「佢Kick人呀，畀牌佢啦」咁呢？

唔少網民笑蘇亞雷斯「腦殘」之外，亦有球迷話呢個就係典型嘅「哨牙蘇」，有理冇理都係Complain、Complain同Complain，仲黐線過佢當年世界盃出牙咬基亞連尼！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。