舒利亞炮轟　紐卡素立立亂

「美洲國家盃」全天候至強盤路資訊，一網睇晒：

https://bit.ly/2wOTjaV　

紐卡素日前突然官宣領隊賓尼迪斯6月底約滿離隊，事後證實原來肥賓喺官宣前係唔知情，而官方之後亦再無任何補充，令人感到球會管理一片混亂，未來路向模糊，名宿舒利亞忍唔住發聲，炮轟球會立立亂。

舒利亞指出：「有冇人知發生緊咩事？會方缺乏溝通，就連世界級嘅賓尼迪斯都留唔住，究竟內部管理層想點？到目前為止，我淨係知道季票加價5%，仲有新波衫款式，其餘一切我哋一無所知。」

其實紐卡素正處於股權易手嘅關鍵時刻，呢啲重要資訊大家都被蒙在鼓裡，舒利亞表示：「會方只係話『無可奉告』，到底佢哋有冇尊重過廣大球迷？呢班球迷陪伴紐卡素嘅日子比現任班主艾殊利長得多，就算艾殊利離開，球迷仍然會長期支持球會，佢哋應該得到更多尊重。」

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。