港超聯　艾華度：尊重合約精神留隊

和富大埔主教練李志堅周三晚（26日）於作客賽和中華台北代表航源後，向傳媒宣布將會離隊他投，同時亦令隊中一眾球員的去向引來外界關注，其中巴西守衞艾華度則透露，現時跟球會仍有合約在身，並會履行合約精神留隊：「我目前同大埔仲有1年合約，我會尊重呢份合約，只要大埔需要我，我就會留低。依家呢一刻我只係想放吓假陪吓屋企人，新一季返到嚟繼續享受足球，特別係嚟緊大埔會出戰亞冠外圍賽，係一個享受足球嘅好機會。」

對於「綠戰士」於最後兩場亞協盃分組賽事未能贏波，艾華度認為球隊表現已有交代：「我認為喺咁多唔同情況影響之下，球隊嘅表現都算係唔錯，始終經歷咗聯賽奪冠，我哋球員都會慶祝一下。經過咗咁漫長嘅球季，再加上球隊陣容少咗一啲主力，我認為我哋喺最近兩場亞協盃已經踢得好好，特別係上場球場因為落雨積水，情況比較惡劣，我哋多數球員都係地面短傳，所以係比較難踢。」