又畀人打劫　曼聯想買紐卡素小將要4.8億

唔止足球睇波，仲有24小時滾動賠率，即時體驗：https://bit.ly/2UmNL0L　

曼聯今夏買人向小將埋手，先後買入丹尼爾占士同雲比沙卡，英國傳媒報道，蘇斯克查下一位小將睇中紐卡素靚仔桑恩朗達夫，不過紐卡素唔想賣，預計又要花超過5000萬鎊(約4.8億港元)

21歲中場桑恩朗達夫係紐卡素青訓產品，前領隊賓尼迪斯好睇重佢，早兩季外借到基爾馬諾克同黑池磨鍊，今年收回即獲重用，但不幸喺3月觸傷膝部提早收咧，雖然上陣機會唔多，但都畀曼聯球探吼實，仲打算出手簽佢。

雖然紐卡素內部仍然混亂，肥賓離隊後未公布繼任人選，但會方一見前來探盤係曼聯嘅人，知對方有錢，一定吊高嚟賣，報道指紐卡素叫價唔會低得過5000萬鎊，曼聯想簽佢又要送上門畀人打劫。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。