埃及16強出局　沙拿金球獎凍過水

唔止足球睇波，仲有24小時滾動賠率，即時體驗：https://bit.ly/2UmNL0L　

阿根廷喺今屆美洲國家盃僅得季軍，美斯仍未能取得國際大賽錦標，仲喺季軍戰被逐。同一日非洲國家盃，「埃及美斯」穆罕默德沙拿未能幫國家隊晉級，埃及0:1不敵南非，16強出局，對於佢爭奪世界足球先生及金球獎，造成重大打擊。

穆罕默德沙拿協助利物浦奪得歐聯冠軍，如果可以幫埃及捧埋非國盃，就好大機會做球壇一哥。埃及係非國盃史上奪冠次數最多嘅球隊，亦係上屆亞軍，而且今屆身為主辦國有主場之利，理應捧盃機會樂觀。

不過，埃及今場對住南非，竟然冇計晒，穆罕默德沙拿4次射門，都唔中目標，仲喺85分鐘，被南非一次反擊，由盧治射入全場唯一入球，輸0:1出局。

埃及領隊艾古爾賽前曾經講過，只要沙拿捧埋非國盃，就攞硬世界足球先生及金球獎，咁依家點算好呢?

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。