大Sam唔肯教 紐卡素依家要搵佢喇

20190712
東網電視
更多新聞短片
(Getty Images)
今個夏天有主帥賓尼迪斯約滿離隊嘅英超球隊紐卡素,近日最新又爆出,球會管理層斟介前任領隊「大Sam」艾拿戴斯,可惜後者回覆話唔想食回頭草,所以極速推走呢份聘約。搞到家陣新球季備戰都夠期展開,「喜鵲」就仲要為搵新帥而頭痕呀!
艾拿戴斯曾經喺07/08球季教過紐卡素,但今次佢唔肯返轉頭:「我都好榮幸,佢哋仲會搵我,不過好簡單,我唔會返轉頭。我冇同過佢哋高層傾,更冇同過米克(紐卡素班主)傾過,只係我經理人搵我,然後我好快做決定,因為季前備戰已經開始,我唔想阻住大家,所以我拒絕咗。」
根據最新消息,紐卡素依家已經將新帥目標轉向現任鍚周三領隊布魯士。現年58歲嘅布魯士,今年初先接掌鍚周三,但有傳佢已經同球會開聲,畀機會佢同一間英超球會商討合作可能,而呢間球會自然就係紐卡素。球員時代係曼聯防線主力嘅布魯士,領隊生涯教過侯城、阿士東維拉同新特蘭等,依家終於有機會重返英超執教。
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。