布魯士教硬紐卡素 揀佢原因包你估唔到

20190714
東網電視
更多新聞短片
(Getty Images)
英超紐卡素自從早前同主帥賓尼迪斯約滿「分手」之後,搵新帥一直遇上多多阻滯,不過根據英國傳媒消息,佢哋最新斟介嘅錫周三領隊布魯士經已同意合約條件,依家只要等兩間球會傾妥「轉會費」就會落實。至於「喜鵲」今次點解揀布魯士,原來係因為班主艾舒利貪平,事關布魯士同意以全英超最低薪領隊合約上任,就咁決定請佢,兒戲咗啲喎!
根據英國《鏡報》報道,紐卡素嚟緊會以年薪100萬鎊聘用布魯士做新領隊,呢個查實係英超現時最低價。相比起布魯士嘅前任「肥賓」,人哋離隊前係收緊600萬鎊年薪,布魯士份人工只係人哋6分之1咋陰功,就算計埋布魯士份合約有護級成功獎金,都係一樣人工低囉!
至於點解布魯士咁奀人工都肯制?原來呢位前曼聯中堅自細就係紐卡素球迷,只係當年佢因為身高唔夠,過唔到紐卡素試腳,不過依家有機會執教自己愛隊,佢梗係第一時間應承啦!
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。