【多相】阿古路喪咀大波妹　恨死曼城隊友

曼城已經來到中國南京進行季前熱身賽，但射手阿古路因為踢完美洲國家盃，獲得放假延後歸隊。呢位阿根廷國腳同新女友Sofia Calzetti飛到加勒比海國家巴哈馬度假，享受陽光與海灘。

Sofia Calzetti將佢同阿古路喺泳池鴛鴦戲水嘅合照放上社交網Instagram「放閃」，兩人又攬又咀，非常激情，難為一班曼城球員喺南京操到身水身汗，如果佢哋睇到阿古路咁嘆，唔知有咩感覺呢。

曼城上場英超亞洲挑戰盃以4:1擊敗韋斯咸，將於周六(20日)同狼隊爭冠軍，然後24號喺香港大球場同傑志踢熱身賽。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。