高普剖釋2大原因：曼城依然係英超大熱

利物浦上季表現一流，各將都打出最高水準，仲勁到捧走歐聯冠軍，中堅華基爾雲迪積克成英格蘭球員先生，甚至係問鼎金球獎嘅熱門，但紅軍於英超始終追唔到曼城，輸1分飲恨僅得亞軍。雖然貴為歐聯王者，但高普依然認為新季奪標大熱始終係藍月亮，當中因為曼城有2大特點。

高普覺得，「貪婪」同「決心」令曼城無堅不摧：「利物浦於新季會繼續努力，唔少人認為英超已經有轉變，因為紅軍上季追得曼城好貼。如果新季紅軍再度可以追貼曼城，咁係件好好嘅事，因為曼城先係奪標大熱。曼城前季取得100分，但依然好有決心同貪婪，希望成功衞冕，攞到98分係個偉大成就。大家都知英超有幾難踢，每場都有失分可能，如果利物浦唔係追得咁貼，相信曼城唔可以取得98分，由此睇到佢哋決心有幾大。今季佢哋希望3連霸，鬥心毋庸置疑。」

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。