【有片】神級帽子戲法！伊巴謙寸得起！

周六(20號)美職「洛杉磯打吡」，伊巴謙莫域上演神乎奇技帽子戲法，帶領洛杉磯銀河主場3比2反勝FC洛杉磯。喺呢場打吡大戰前，伊巴謙莫域公開表示自己踢美職，就等如「法拉利同快意鬥」，3個字總結即係「超晒班」，但佢又真係講得出、做得到，真係吹佢唔漲！

伊巴謙莫域賽前被問到踢美職嘅感覺，呢位瑞典神鋒表示：「美職水平唔及歐洲，講真以前同我踢波嘅球員，都係接近或者同我相同水平嘅人，但嚟到美職，我就好似一部法拉利落場同快意鬥，結果有兩個可能，一係法拉利慢慢變成快意，或者快意會變成法拉利。」

今場「洛杉磯打吡」伊巴謙莫域光芒四射，其中第1球更係超級金球，心口一照、一剔過人再窩利抽射，完全係「球王級」功架，真係抵你招積！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。