奧巴美揚都唔要　阿仙奴求換超級中鋒！

奧巴美揚上季攻入22個聯賽入球，同穆罕默德沙拿、沙迪奧文尼齊膺英超神射手，理應備受阿仙奴重視；但呢名加蓬神鋒卻被傳有意離隊，甚至唔介意轉投曼聯，或令兵工廠心灰意冷，據意大利傳媒報道，阿仙奴有意搵奧巴美揚同國際米蘭交換莫路伊卡迪，但後者卻唔騷阿仙奴。

有傳奧巴美揚為尋求更好發展，有意離開阿仙奴，更有傳中超方面已睇到實，如果奧巴美揚願意，相信可以搵到勁優厚人工。兵工廠或者覺得奧巴美揚有離心，故此希望搵佢做籌碼換伊卡迪。

伊卡迪本來係國米隊長，但因為合約問題搞到鑊泡，故此國米已講明放棄呢位阿根廷中鋒。但對於英超，伊卡迪似乎完全冇興趣，報道指佢一心一意等祖雲達斯出手解救，當地媒體亦相信祖記會於轉會窗完結前，將伊卡迪帶到都靈。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。