孫興民變小球迷　半場等C朗換波衫

效力熱刺嘅南韓球星孫興民，係唔少本地球迷頭號偶像，而佢表現出色，喺歐洲亦好受歡迎。但偶像都有偶像，老孫原來係C朗狂迷，仲話C朗比自己勁10倍！熱刺同祖雲達斯剛踢熱身賽，老孫去到半場已經急不及待企定等C朗，表示要交換波衫，C朗亦冇令呢位球迷失望。

難得同C朗同場獻技，而且場波又唔係正式賽事，造就老孫放心要求偶像換波衫。球證吹完半場雞後，孫興民就頭望望搵C朗蹤影，之後仲企咗場中一陣添。當知道C朗行出球場嘅路線後，老孫慢慢行埋去，雙方攬一攬腰，然後老孫最期待嘅畫面終於出現。

孫興民話：「其實我唔係好慣交換波衫，但我真係好鍾意佢，今日簡直係實現咗兒時嘅夢想。我夢想就係可以同C朗喺場上一齊跑，呢種機會真係唔多，今日我仲可以同佢傾偈添，真係好好彩！」

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。