「無禮！唔尊重！」 哥帥反擊新華社指控

將於聽日（24日）於香港大球場，出戰「賽馬會傑志中心盃」對傑志嘅英超應屆冠軍曼城，嚟到香港當然大受歡迎。之前到中國踢英超亞洲挑戰盃期間，中國官方媒體新華社指曼城職球員，對中國無禮又不尊重，哥帥表示唔接受指控，並謂藍月亮上下對待中國球迷好友善，或者只係「一個記者曾受冷落」而引起誤會。

曼城於中國踢咗2場賽事，逗留咗數日時間，依家嚟到香港，鬥完傑志之後就會去日本繼續亞洲之旅。對於新華社指曼城來華，並冇對中國球迷釋出應有尊重，而且表現無禮，直斥曼城去到中國只係搵錢至上。

哥帥對此並不認同：「呢個指控絕對係錯誤。如果要咁講，撰稿記者需要理解曼城整個訪華過程，我哋究竟做過乜嘢。喺上海曼城上下度過一段美好時光，亦做晒合作夥伴要求嘅所有要求。去到酒店，球迷要求我哋做嘅，我哋全部做晒。所以我唔明點解會受到咁嘅指控---或者有一個記者曾受冷落。」

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。