友賽打出火 普捷天奴向曼聯耍冧

20190726
東網電視
更多新聞短片
(法新社圖片)
英超雙雄熱刺同曼聯尋晚喺上海進行國冠盃大戰,結果場波由曼聯險勝2比1。雖然比賽過程精彩,但同樣係極具火藥味,包括熱刺嘅穆沙施素高曾經狠狠一腳踩落曼聯新兵丹尼爾占士,迪利阿里早段又曾因為兩次粗野犯規領黃,其餘仲有熱刺嘅坦根加同曼聯嘅安達斯彭利拿都有被罰牌,賽後熱刺領隊普捷天奴都勁唔好意思,公開向曼聯作客道歉。
普捷天奴話:「老實講,我對場波某啲情況真係好困擾同唔開心,呢場只不過係友誼賽嘛!當你好攰同覺得好熱,有時你會(攔截)出錯同遲出腳,我代表我班球員向曼聯道歉。」不過,普帥同時對「紅魔鬼」冇自我反省有多少不滿:「下半場佢哋都有還擊,我好擔心,如果季前就有人受傷就唔多好囉!」
至於曼聯領隊蘇斯克查反而唔太介意:「對於嗰啲攔截我並無不安,我只係擔心受傷,好彩冇受傷。我哋都有踢到人,唔係淨係被踢。」
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。