港超聯 烈日下拍跳!冠忠南區2比1小勝愉園

20190726
東網電視
更多新聞短片
(陳焌鏗攝)
港超球隊冠忠南區與愉園周五(26日)於賽馬會香港足球總會足球訓練中心進行熱身賽,南區於上半場初段憑高美斯的入球先開紀錄,及後愉園雖有試腳前鋒加維蘭扳平,但南區亦有夏志明替球隊增添紀錄,最終南區以2比1擊敗愉園。
賽後冠忠南區主教練鄭兆聰表示:「第一場波我覺得新兵融入得OK,最緊要係睇到佢哋有合作嘅心,因為我哋要踢整體,上半場大家踢得幾好,失球雖然係我哋誤傳,我哋會喺防守上面執一執,但整體都滿意球員表現。」他又指球隊正選11人仍須待泰國集訓後才能落實。新兵陳肇鈞(Philip)在下半場曾串演左翼,問及Philip在該位置的表現時,「Ricky Sir」未有正面回應,笑言:「我會擺Philip去佢最舒服嘅位置!」
至於愉園主教練鮑家耀則稱球員在速度、身型、體能等方面與超聯球隊差距大,現時只操練兩周便約友誼賽全因渴望觀察試腳外援。「鮑Sir」亦指對球員表現感滿意,希望球員在多場友誼賽後能適應超聯球員的速度。試腳外援加維蘭今仗為球隊建功,「鮑Sir」明言:「佢平時操練都有水準畀我哋睇到,今場入咗1球提升到佢簽約嘅機會,呢樣嘢要同高層再商量。」另外,去季效力夢想FC的北村祝和朱偉鈞目前正跟隨愉園操練,今仗亦有替「快活谷」上陣,「鮑Sir」透露兩人並未簽約,仍在觀察中。