日本國腳梅開二度　武磊有精彩傳送

周五(26日)凌晨歐霸盃第2圈外圍賽首回合，中日球星鬥搶鏡，日本前鋒久保裕也梅開二度，協助比利時球隊真特主場以6:3大勝羅馬尼亞球隊維托魯干斯坦達。中國前鋒武磊協助愛斯賓奴以4:0擊敗史達蘭。

25歲嘅久保裕也6年前已經去歐洲搵食，包括效力瑞士青年人3年半，之後轉投真特，頭2季聯賽各有11球進帳，但上季被真特外借去德甲紐倫堡，只入1球，佢今季回巢後立即做齣好戲，射入2球靚波，相信可以獲得留用。

至於另一場歐霸盃，愛斯賓奴領先1:0之後，武磊喺54分鐘後備上陣，佢表現最精彩一幕係68分鐘，巧妙走位之後，左路傳中畀法古度費雷拉，後者第一時間後腳助攻保查艾利斯亞斯入波，鎖定4:0勝局，晉級應該冇問題。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。