【有片】迪布尼大師級　曼城玩到水手喊

曼城離開香港之後，周六(27日)晚喺日本同橫濱水手踢熱身賽，曼城輕鬆贏3:1，中場奇雲迪布尼上場對傑志，冇乜建樹，但今場就大顯身價，個人表演射入靚波，再以1次精彩妙傳，助攻史達寧入波，簡直係大師級演出。

開波18分鐘，奇雲迪布尼右路巧妙扣過對手，用左腳大力抽射，幾乎網都穿。雖然橫濱水手由遠藤溪太扳平，但轉個頭奇雲迪布尼又有佳作，佢以一下「手術刀式」直傳劏開對手防線，史達寧單刀射入。曼城喺補時由20歲小將盧卡斯尼美查近門建功，贏夠3:1。

曼城狀態咁弗，睇來已經準備好8月4日社區盾鬥利物浦。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。