係咪人嚟？騙徒扮雷恩斯老婆呃錢

前西班牙國腳雷恩斯車禍離世將近兩個月，近日有無良騙徒喺Instagram開設帳戶，冒充佢老婆Noelia Lopez呃錢，行為令人齒冷！

Noelia Lopez日前喺Instagram譴責騙徒冒用佢嘅身份，要求善心人提供經濟援助。嗰個假冒嘅帳戶，自稱係「前西班牙、阿仙奴球員雷恩斯老婆」，希望「籌集款項」，又話「想喚起愛我丈夫，以及深明佢與人為善嘅人們嘅注意」，「我一個人帶住自己啲細路並唔容易」 。

呢個騙徒顯然冇做功課，Check過Noelia係乜水，佢係2007年西班牙超模冠軍，唔慌搵唔到Job做，而且雷恩斯又去過中國掘金，家境唔可能太差，未至於要籌款咁慘情。Noelia喺Instagram公開個假冒帳戶嘅截圖嘅同時，仲留言話自己好感謝上帝同自己嘅父母，佢同3個仔女有得食有得住，全無經濟問題，叫大家唔好上當。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。