水晶宮閂閘 沙夏多多錢都唔賣!

20190729
東網電視
更多新聞短片
水晶宮翼鋒韋費特沙夏近2個月成為轉會搶手貨,阿仙奴、愛華頓、拜仁慕尼黑同車路士都話想打佢主意,不過呢位科特迪瓦國腳就只係心儀阿仙奴,但隨住「兵工廠」轉移目標力斟尼高拉斯比比後,沙夏轉會好夢落空,據報水晶宮亦決定即時閂閘,宣布今個夏天「多多錢都唔賣」。
據報韋費特沙夏曾獲水晶宮班主承諾,如果阿仙奴畀得起錢就會放人,可惜「兵工廠」最近放棄收購。英國《太陽報》指愛華頓日前開價5,500萬鎊加上土耳其前鋒辛克杜辛,但被水晶宮即時拒絕,而且仲叫愛華頓唔需要再開價,因為球會已經決定今個暑假都唔會賣走佢。
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。