皇馬三線淪陷 首席門將受傷抖1個月

20190730
東網電視
更多新聞短片
(Getty Images/互聯網)
皇馬傷兵問題愈來愈嚴重,門將泰拔高圖爾斯都加入「十字兵」名單,「銀河艦隊」宣布呢位比利時國腳因為足踝二級扭傷,預計需要休息1個月,意味無緣新一季西甲頭2場聯賽對切爾達同華拉度列。
泰拔高圖爾斯缺陣之下,相信會由基羅拿華斯擔任正選門將,事實上呢位哥斯達黎加國腳一向係教練施丹愛將,而且唔少皇馬球迷認為基羅拿華斯表現比泰拔高圖爾斯更好,由佢坐正都係眾望所歸。
西甲未開鑼,皇馬前中後三線都已經有傷兵,包括前鋒盧卡祖域、中場馬高阿辛斯奧、後衞費蘭特文迪,依家連門將泰拔高圖爾斯都傷埋,施丹肯定頭痛。
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。