網民勁衰：熱刺終於有盃捧喇！

季前盃賽奧迪盃喺德國舉行決賽，主隊拜仁慕尼黑大戰熱刺。熱刺4強淘汰皇馬，喺決賽亦踢得落力，憑拉美拿同基斯甸艾歷臣各入1球領先2粒；雖然最後被迫和2:2，但謝路美保定射失12碼，熱刺終擊敗拜仁捧走奧迪盃。唔少網民勁Mean，話熱刺終於打破宿命成功捧盃。

熱刺對上1次捧盃，已經係08年捧英聯盃，上屆歐聯爆冷殺入決賽，但最終不敵利物浦僅得亞軍。因為已經超過10年冇盃落袋，唔少球迷特別係死敵阿仙奴嘅Fans，都笑熱刺獎盃櫃空空如也。

先砌低皇馬再壓倒拜仁，雖然奧迪盃只係個季前錦標賽，不過都總可以開心一番，成班熱刺球員捧起獎盃時都勁高興，但佢哋嘅興奮當然又畀敵對球迷笑，話佢哋連捧毫無榮譽嘅盃都好似執到金咁，真係好刻薄呀。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。