【有片】唔係化？VVD堅畀人扭過！

被公認為當今第1中堅嘅利物浦球星華基爾雲迪積克(VVD)，上季創造一個足球壇恐怖傳說，就係連續65場比賽冇被任何球員扭過，當中包括歐聯對住美斯、歐國聯面對C朗拿度！不過，呢個傳說日前喺社區盾正式破滅，而打破傳說嘅人就係「耶穌仔」加比爾捷西斯。

比賽片段所見，當時華基爾雲迪積克殺上中圈區域攔截，不過背住拎波嘅加比爾捷西斯相當機警，轉身一下靚搓就避開攔截，踏前一步過埋VVD後就交出直線，雖然力度大得滯令隊友接應唔到，但係呢一次過人就贏盡掌聲。VVD對上一次畀人扭過，已經係2018年3月對紐卡素嘅事，之後65場正式比賽都冇試過畀對手扭過。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。