入魔第一日 馬古尼已開始寸利物浦!

20190806
東網電視
更多新聞短片
(Getty Images)
曼聯剛以8000萬鎊天價,購入李斯特城中堅哈利馬古尼,壓倒華基爾雲迪積克成全球最高身價後衞。馬古尼表示甫入魔就非常識做,第一時間暗寸利物浦,令曼聯球迷非常高興,話佢已經晉升紅魔傳奇!
馬古尼對於能加盟曼聯勁開心,佢話:「好榮幸加盟一支偉大球會。我喺李斯特城非常開心,多謝球迷以及球會內所有人兩年來嘅支持同照顧。但當得到曼聯垂青,根本就冇可能拒絕呢個大好機會。」
之後佢於自家社交網向李城球迷道別時,附上一張勁有意思嘅配圖,入面馬古尼剛入完波叉住腰個樣勁得戚,再細睇個背景原來係晏菲路球場嚟。上季李斯特城聯賽作客利物浦,雖然當時紅軍憑沙迪奧文尼打開紀錄,但隨後馬古尼建功追平,令紅軍痛失2分。最後利物浦僅以1分之差不敵曼城,未能打破宿命奪得英超冠軍,馬古尼呢腳對曼聯球迷嚟講非常重要,難怪魔迷話佢揀相揀得好好啦。
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。