世盃金球獎巨星掛靴　傑志係佢收山球會

40歲嘅烏拉圭世界盃金靴獎球星科蘭，今日正式宣布掛靴，佢透露自己其實仲收到來自唔同球會聘約，但考慮到想多陪伴家人，所以決定正式收山。

科蘭表示：「我決定退役，我知道呢一日遲早會嚟！我收到一啲邀請，但考慮到孩子就快出世，我更希望陪伴喺家人身邊。」科蘭球員生涯喺球會級賽事合共踢咗693場，射入咗273球,期間效力過嘅主要球會包括曼聯、維拉利爾、馬德里體育會同國際米蘭等，而佢喺2018年更加嚟到香港加盟傑志，即使年紀大依然有超班表現，贏盡讚賞，而傑志更係佢收山前最後一間效力球會。

國家隊方面，科蘭喺2010年世盃率領烏拉圭勇奪第4，佢仲射入5球攞到金靴獎，兼獲選世界盃金球獎得主。2011年，佢又帶領烏拉圭贏得美洲盃，呢個亦係佢國家隊生涯唯一獎盃，總算有完美結局。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。