【英超開鑼】超有愛！沙拿好人一生平安

英超今晚深夜開鑼，其中預計會喺揭幕戰擔正嘅利物浦前鋒穆罕默德沙拿，近日就做咗一個大善舉，就係向周一遭受恐怖襲擊、導致多人死傷嘅埃及開羅癌症醫院捐出250萬鎊協助重建！

周一早上喺開羅一單涉及多輛汽車嘅恐襲事件，結果一間開羅大學附屬嘅醫院受襲，事件中有至少20人死亡，另有47人受傷，認真陰功。根據埃及傳媒報道，開羅大學校長伊基賀舒喺一個電視節目受訪嗰陣，透露咗呢位「紅軍」前鋒嘅善舉。

事實上，沙拿本人亦有喺社交網向受害者致以慰問：「我要向喺爆炸事件受災嘅死者家屬致以深切慰問同支持。」27歲嘅沙拿對祖國埃及嘅恐襲事件出心出力，認真唔話得，希望佢好心有好報，新季大放異彩啦！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。