等着你回來 拜仁簽唔到辛尼想簽番佢

20190809
東網電視
更多新聞短片
(Getty Images)
英超曼城球星利萊辛尼喺社區盾重創,膝部十字韌帶受傷,至少要抖半年。本來德甲班霸拜仁慕尼黑一直諗緊將佢買入,作為未來10號仔重心去培養,不過依家要重新計過數,將來仲會唔會買都未知。拜仁個如意算盤打唔響,家陣唯有即刻準備Plan B,其中多達66%球迷竟然支持重簽今夏約滿離隊嘅老臣子列貝利,不過要成事都絕對唔易。
拜仁今個夏天,先後放走咗占士洛迪古斯,以及兩大老臣子洛賓同列貝利,因此簽入頂級球星係當務之急。可惜係從入利萊辛尼開頭因傾唔掂價,一直拖住,到依家就更因呢位德國新星受傷,搞到斟介告吹。
拜仁究竟要搵邊個頂替,依家仲未有最新消息,不過德國媒體《sport1》就做咗個民意調查,結果66%球迷同意重簽列貝利,證明呢位拜仁國王勁受歡迎。至於列貝利本身去向,日前就有指沙特阿拉伯球隊艾納斯想簽佢,但依家前東家有難,呢位法國球星會唔會食回頭草幫手,都唔出奇呀!
立即參加「賞您睇」:http://bit.ly/2JWKULh 
Click下面粒掣,儲on.cc coins!機票、家電、超市禮券、過萬份獎品等緊你。