阿仙奴新兵係彈弓人？傷住破奧巴美揚紀錄

阿仙奴季前瘋狂簽入6個新球員，其中喺轉會死線日加盟嘅蘇格蘭左閘基蘭泰亞尼，加盟第1日就破咗奧巴美揚嘅球會紀錄！

轉會費達2,500萬鎊嘅基蘭泰亞尼，加盟後即進行連串體能測試，其中一項「垂直跳」嘅測試，基蘭泰亞尼一跳就錄得50cm成績，當教練同佢講呢個成績只係差奧巴美揚嘅球會紀錄4cm，基蘭泰亞尼隨即要求再試多次，結果再跳就跳出55cm嘅新紀錄，比奧巴美揚保持嘅54cm啱啱高出一厘米！

更加難得嘅係，基蘭泰亞尼今個夏天做咗腹股溝疝氣手術，目前仍然處於康復階段，預計要4至6個星期先至全面復操，即刻話依家傷住嚟破紀錄，睇嚟呢位新兵嘅彈跳力好唔錯喎！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。