PSG頂佢唔順史上最差　波衫產品全下架

效力法甲巴黎聖日耳門(PSG)嘅巴西球星尼馬，想離隊已經係今個夏天一個公開秘密。雖然呢位巴西國腳仍然盡量控制住自己，唔同PSG正式反面，不過球會方面就已經開始唔客氣採取行動，近日將佢無論波衫定其他產品全線下架，直頭當佢走咗一樣！

事實上，PSG今次行動其實都只係順應民意，事關極具代表性嘅巴黎球迷組織Parias Cohortis MMXIII就已經將尼馬「定性」為「巴黎聖日耳門史上最差球員」。佢哋仲發出公開信去大鬧尼馬：「巴黎球迷更重視價值，如果球員得到咗我哋信任，我哋就會盡情愛佢。只係如果我哋唔想要佢，或者佢係個唔能夠理解嘅人，我哋會為佢打開住離隊嘅大門。尼馬將自己當成國王，想嚟就嚟，想要幾多錢就拎幾多，佢總係不斷抱怨，想走就走。」睇見球迷都同尼馬反晒面，難怪球會都會積極「做嘢」趕佢走啦！

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。