「殺仁狂」現身！折翼拜仁飛唔飛得起呀

德甲周六(17日)凌晨開鑼，揭幕戰由拜仁慕尼黑主場迎戰哈化柏林，拜仁失去一對神翼列貝利同洛賓之後，日前向國際米蘭借用翼鋒比列錫，但呢位克羅地亞國腳原來要停賽，「折翼」嘅拜仁仲飛唔飛得起呀。

比列錫因為上季喺意甲累積5面黃牌，被罰嘅1場停賽要帶埋嚟德甲，無緣上陣，只能地莊出師。而且拜仁喺季前比賽同德國盃，防線甩漏極多，面對丁組嘅科特布斯都要失波，後防危危乎。

哈化柏林以破隊史紀錄嘅2000萬歐元買入屈福特年輕鋒將盧克巴基奧，呢位比利時射手上季以外借身份效力杜塞爾多夫爆紅，兩循環聯賽對拜仁共轟入4球，其中去年11月作客安聯球場連中三元更成為佳話，今場佢以哈化球員身份再訪福地，隨時又做「拜仁殺手」。

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。