曼聯羅馬傾掂轉會　義氣A山唔肯走喎！

歐洲各大聯賽夏季轉會窗進入尾聲，曼聯想放走「大鋼琴家」阿歷斯山齊士(A山)嘅決心亦愈嚟愈大，據著名網站《意大利足球》爆料，羅馬提出只係畀一半人工情況下，借用呢位智利國腳，咁「刻薄」嘅條件曼聯居然都肯答應，可惜A山最後竟然拒絕加盟羅馬，令交易告吹。

報道指羅馬提出借用1年(唔包括買斷條款)，而且羅馬只會負責A山一半人工(約950萬歐元)，另一半要曼聯硬食，「紅魔鬼」為送走瘟神亦唯有答應，點知A山就話唔興趣去羅馬，仍然希望留喺曼聯爭正選，曼聯球迷都唔知好嬲定好笑囉！

立即參加「賞您睇」：https://tinyurl.com/yxa3a8z8　

Click下面粒掣，儲on.cc coins！機票、家電、超市禮券、過萬份獎品等緊你。