【有片】無限Loop！戴巴拿就係勁到咁

今夏無限接近轉投曼聯嘅保羅戴巴拿，因為人工要求太高，以及肖像權等問題同紅魔傾唔埋爛，最後留於祖雲達斯。里奧費迪南早前就話戴巴拿冇「紅魔元素」，曼聯簽唔成佢都唔係損失，但呢名阿根廷國腳有幾多斤兩，睇吓呢個波就一清二楚。

祖記剛啱同意丙泰利斯天拿打熱身賽，戴巴拿入楔禁區接應隊友傳送，後面有守衞衝緊埋嚟，戴巴拿第一時間搵左腳踩個波去後面、之後即刻轉身，見門將企咗出嚟後，再用左腳輕輕一Chip，皮球應聲飛入網窩。

雖然對手只係丙組仔，但戴巴拿呢個動作一氣呵成，集智慧、反應、技術、速度於一身，就算係全球最佳球隊都擋都擋唔住。戴巴拿卡士超高，但佢於球隊對住C朗，國家隊就有美斯頂住，希望嚟緊佢無論喺祖記或者阿根廷國家隊，都有更多發揮機會。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。