利物浦超天價斟沙拿續約　周薪有幾恐怖？

利物浦今夏轉會窗冇大動作，唔少利迷都非常不滿，認為球隊冇雄心去追趕曼城。領隊高普講明，佢希望利用轉會費「畢值」，去回饋陣中星級戰將，加佢哋人工以力保歐聯冠軍陣容。英國《太陽報》報道，紅軍即將同王牌穆罕默德沙拿傾續約，新約望綁呢名埃及國王至2024年，周薪高達43萬鎊！

眾所周知現時英超最高人工球員，係曼聯阿歷斯山齊士，好多報道都話佢有50萬鎊周薪，不過唔少亦表示，佢實際上約莫為40萬鎊左右；另外亦盛傳佢即將離隊轉投意甲國際米蘭，故若沙拿動筆簽新約，勢成英超最高薪酬球員。沙拿於2017年加盟利物浦，即成為全球知名球星，連續2季成為英超神射手外，更帶領紅軍勇奪上屆歐聯錦標，可謂目前英超人氣、實力最高頭3名球員，攞到最高人工亦非常合理。

立即參加「賞您睇」：http://bit.ly/2JWKULh　

Click下面粒掣，儲on.cc coins！機票、家電、超市禮券、過萬份獎品等緊你。