「古天奴去到德甲　肯肯定係最佳球員！」

巴塞隆拿終於搵到方法甩走菲臘比古天奴，呢名巴西國腳，將以借用身份轉會拜仁慕尼黑1年，如果最後啱用，拜仁有優先收購古天奴嘅權利。塞爾維亞國腳馬高古積，目前以利物浦借將身份踢哈化柏林，佢話古天奴去到德甲會令德國人好興奮，並且肯定呢名森巴巨星係德甲最佳球員。

馬高古積上季已經係哈化球員，到本季繼續踢哈化柏林，新季聯賽首戰就攻入拜仁大門，協助哈化柏林打和2:2。佢表示：「我同古天奴喺利物浦做過隊友，佢的確係個神奇球員，佢嘅技術同腳法真係高深莫測，絕對係世界級巨星。德甲能夠擁有古天奴，將會令呢度嘅人好興奮，如果搵佢同其他德甲球員比，古天奴好肯定就係德甲最佳。」