【東體爭議】蘇B欽點劊子手 炸彈隨時爆

20190821
東網電視
更多新聞短片
曼聯日前作客狼隊一役,保羅普巴12碼宴客令「紅魔鬼」痛失2分,領隊蘇斯克查賽後雖然力撐保羅普巴冇爭食,講明佢同拉舒福特都係選定嘅12碼劊子手,至於邊個操刀就由2人協商。蘇B表面上話冇問題,不過英國《太陽報》爆料,蘇斯克查賽後原來好不滿,認為拉舒福特同保羅普巴唔應該喺全球觀眾面前爭拗,所以已經親自「欽點」拉舒福特做No.1,保羅普巴就係2號劊子手。
就射12碼嘅成功率,蘇斯克查呢個決定相信冇球迷反對,不過保羅普巴點樣面對呢次「打擊」就令人擔心,事實上呢位法國中場開咧頭2場,整體表現其實唔差,但呢個大細路向來受軟唔受硬,上季佢畀摩連奴褫奪副隊長資格,結果搞成點球迷都記憶猶新,保羅普巴依家因為12碼宴客,就被自己球迷種族歧視,又被「貶」做2號劊子手,萬一佢季初團火閃電被淋熄,絕對唔係曼聯想得到嘅結果。
立即參加「賞您睇」:https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。